fbpx

ايه هو صندوق الاستثمار: استثمر زي المحترفين

الاستثمار في صندوق استثمار عامل زي شراء برجر جاهز من قبل كده بكل مكوناته المختلفة.  والمكونات المختلفة دي بتمثل أنواع مختلفة من الأوراق المالية. وكمان فكرة ان البرجر كان جاهز من قبل كده بيوضح ان صندوق الاستثمار كان متجهز من قبل كده من خلال متخصصين

مفهوم صناديق الاستثمار بسيط. هي عبارة عن مجموعة من الأموال بيديرها مدير أصول هدفه الوحيد هو تنفيذ أفضل استراتيجية استثمار لمساعدتك انك تحقق أكبر قدر ممكن من الأرباح. هم بيكونوا ملزمين قانونًيا انهم يشتغلوا لمصلحة المستثمرين. صناديق الاستثمار تعتبر استثمار جماعي مع مستثمرين تانيين. صناديق الاستثمار بتدي المستثمر الاختيار انه يستثمر في مجموعة من الأصول أو الأوراق المالية المختلفة زي الأسهم والسندات

عشان صناديق الاستثمار بيديرها متخصصين، فبيكون في رسوم اشتراك للانضمام لصندوق استثمار. صناديق الاستثمار بيكون عندها مخاطر مختلفة وعائد مختلف حسب الحاجات اللي بتستثمر فيها، زي مثلا الآسهم والسندات. ممكن صندوق استثمار قليل المخاطر يستثمر في سندات والعكس صحيح، لو صندوق عالي المخاطر هيستثمر في الآسهم. المعلومات دي كلها بتكون موجودة في نشرة الإصدار بتاعة الصندوق. النشرة دي بتكون وثيقة رسمية بتشرح أهداف الصندوق وازاي بيشتغل. ممكن تلاقي نشرة الإصدار على موقع مدير الصندوق.

ازاي تشتري في صندوق استثمار؟

تسعير صندوق الاستثمار 

خلينا نقول انك عايز تبدء في الاستثمار في صندوق، ازاي تحدد السعر المناسب؟ سعر صندوق الاستثمار بيتحدد من خلال أداء الأوراق المالية الي انت عايز تستثمر فيها.  لما تشتري حصة في أي صندوق استثمار، فأنت بتشتري الأداء ده واللي بيمثل جزء من قيمة المحفظة

سعر الحصة في صندوق استثمار اسمه صافي قيمة الأصول او الNAV. ايه؟ خلينا نشرحلك اكتر. تخيل انك عايز تعمل طبق بطاطس مقلية. ساعتها هتحتاج شوية مكونات من ضمنهم بطاطس وكاتشاب وزيت وتوابل. فلو قررت افتراضيًا انك تبيع صوباع بطاطس واحد ساعتها هتقسم التكلفة الإجمالية للمكونات على عدد البطاطس المقلية اللي هتبيعها.

نفس الحاجة تنطبق علي تسعير وحدة الصندوق أو الNAV. هي ببساطة سعر السوق بتاع الأسهم المختارة على إجمالي عدد الوحدات / الأسهم. عادةً بيتم تسوية صافي قيمة الأصول في نهاية يوم التداول ومش بيتغير كتير على مدار اليوم. ومع ذلك، ممكن يتغير كل يوم مع التغيرات في أسعار الأسهم المختارة.

الاكتتاب والاسترداد

ممكن كل قد ايه تكتتب (تشترك) في صندوق الاستثمار؟ طيب، هو مش اشتراك نيتفليكس، هو ببساطة نوع مختلف من الاشتراكات. في لغة التمويل، معناها عدد المرات اللي ممكن فيها شخص يشتري حصة في صندوق الاستثمار، وده بيختلف مع اختلاف الصندوق.

نفس الحاجة تنطبق علي الاسترداد من صندوق الاستثمار. وده ببساطة عملية سحب فلوسك من الصندوق، وبتختلف بردو من صندوق استثمار للتاني.

ايه هي امثلة لصندوق الاستثمار؟ 

زي ما قلنا قبل كده، كل صندوق استثمار بيستثمر في منتجات استثمارية مختلفة، وده معناه ان كل صندوق ليه مخاطر وعائد مختلف

مخاطرة وعائد عالي

صندوق AZ فرص

مستوى المخاطرة: عالي الفايدة: متغيرة
هدف صندوق AZO انه يستفيد من فرص الاستثمار في البورصة المصرية. ده صندوق عالي المخاطر بيستثمر في الأسهم وعندهم فريق من الخبراء بيحللوا وبيختاروا الأسهم اللي هيتم ضمها في الصندوق.
اكتشف اكتر

CI30: صندوق مصر اكويتي

مستوى المخاطرة: عالي الفايدة: متغيرة
CI30 هو صندوق استثماري بيستثمر في أكبر 30 شركة في البورصة المصرية (EGX). وبيتم تحديد سقف الصندوق، وده معناه ببساطة أن 30ال شركة اللي في الصندوق بيكون ليهم وزن يصل إلى 15٪.
اكتشف اكتر

مخاطرة وعائد قليل

صندوق AZ ادخار

مستوى المخاطرة: قليل الفايدة: 7-9٪
AZS هو صندوق استثمار بمخاطر قليلة بيستثمر في السندات الحكومية وأذون الخزانة.
اكتشف اكتر

صندوق مصر للتأمين التكافلي

مستوى المخاطرة: قليل الفايدة: 7-9٪
MTF هو صندوق متوافق مع الشريعة الإسلامية بيستثمر في استثمارات منخفضة المخاطر زي السندات الحكومية وأذون الخزانة.
اكتشف اكتر
4/5 - (4 أصوات)
هذه المعلومات للأغراض التعليمية فقط وليست توصية أو دعوة للاستثمار. يمكن أن ترتفع قيمة الاستثمارات وتنخفض وتنطوي على مخاطر. لا تقدم ثاندر توصيات استثمارية ويجب على المستثمرين الأفراد اتخاذ قراراتهم الخاصة بناءً على أبحاثهم أو السعي للحصول على إرشادات مستقلة. ثاندر هو الاسم التجاري لشركة ثاندر للسمسرة في الأوراق المالية المرخصة والمنظمة من قبل هيئة الرقابة المالية (FRA). مسجلة في مصر (برقم 804).